Селин Дион хорт хавдартай нөхрөө асрахаар тоглолтоо цуцалжээ

Алдарт дуучин Селин Дион өнгөрөгч лхагва гарагт албан ёсны мэдэгдэл хийж Лас Вегаст зохион байгуулах шоу болон намар Азийн орнуудад хийх аялан тоглолтоо цуцалсан тухай мэдэгджээ. Тэрбээр аялан тоглолтоо цуцлах болсон шалтгаанаа “Би нөхрийгөө илааршуулахын тулд өөрийнхөө зүгээс чадах бүхнээ хийхийг хүсч байна. Миний хамгийн эрхэм хүмүүс болох нөхөр, хүүхдүүдтэйгээ илүү цагийг хамт өнгөрөөхийг хүссэн юм” гэж тайлбарлажээ.

Селин Дионы нөхөр Рене Анжелил өнгөрөгч 12 дугаар сард хорт хавдарын  хагалгаанд орсон бол алдарт дуучин маань хоолойн булчингийн үрэвсэлт өвчинтэйгээ тэмцэж байгаа билээ.

Тэрбээр хэвлэлийн бага хурлын үеэр бүх фэнүүдээсээ уучлал хүсч, үргэлж тусалж, дэмжиж байдагт талархаж байгаагаа илэрхийлжээ. Одоогоор хосууд гурван хүүхдийн хамт Лас Вегас дахь харшдаа амарч байгаа гэнэ.

uls.mn