Ц.Нямдоржийн хаусаас хулгай хийсэн этгээд баригджээ

УИХ-ын гишүүн, Хууль зүйн сайд асан Ц.Нямдоржийн хаусаас хулгай хийсэн этгээд баригджээ. Цагдаагийн алба хаагчид айлын хаус ухдаг удаа дараагийн үйлдэлтэй этгээдийг илрүүлсэн байна. Өнгөрсөн оны гуравдугаар сараас эхлэн голдуу айлын хаусаас үнэт эдлэл хулгайлдаг хэрэг шил дараалан гарах болжээ. Баянзүрх дүүргийн цагдаагийн хоёрдугаар хэлтсийнхэн дүүргийн нутаг дэвсгэртээ гэмт хэргээс урьдчилан сэргийлэх нэгдсэн арга хэмжээ зохион байгуулж ажиллах явцдаа дээрх гэмт этгээдийг барьжээ. Тус дүүргийн харьяат 23 настай Б нь айлуудад нийтдээ 115 сая төгрөгийн хохирол учруулсан тогтоогдсон байна.