Роналду Барсаг дэлхий дээр нь эргэн авчирна

Реал Мадридын лидер Криштиан Роналду ирэх улиралд Барселонагийн ноёрхлыг зогсооход гол анхаарлаа төвлөрүүлээд байгаа ба Каталончуудыг “дэлхий дээр нь буцаан авчирна” гэж хэлжээ.

Барса өнгөрсөн улиралд Ла лига, Аваргуудын лиг, Испаний супер цомын тэмцээнүүдэд аваргалсан ба тэдний одоогийн бүрэлдэхүүн нь түүхэн дэх хамгийн шилдэг баг хэмээн мэргэжилтнүүд нэгэн дуугаар зөвшөөрч байна.

Гэтэл Роналду тэдний энэ үе төгсгөлрүүгээ ойртож байгаа гэж үзэж байгаа ба Туркийн Vatan сонинд хэлэхдээ:
“Барсаг зогсоохын тулд бид тэднийг ялах хэрэгтэй. Бид тэднийг хожиж байж лигийн аварга болно”

“Ирэх улиралд бид илүү хүчтэй байх болно. Бидэнд тэднийг ялах хүч байгаа гэдэгт итгэлтэй байна. Бид Барсаг дэлхий дээр нь буцаан авчирна”

Португалийн шигшээ багийн ахлагч мөн Сантиаго Бернабауд шинээр ирсэн Нури Сахины талаар ярьсан ба тэрээр шинэ орчиндоо дасахад нь өөрийн чадах бүхнээрээ туслана гэдгээ онцолсон байна.

Боруссиа Дортмундтай гайхалтай улиралыг өнгөрүүлсэний дараагаар Турк залуу Испаний нийслэлд ирсэн ба Роналду түүний талаар:
“Би түүний талаар сайн мэдэхгүй. Түүнийг Германы лигт тоглож байхыг цөөн хэдэн удаа харсан. Гэхдээ би түүнийг гэртээ байгаа  мэт мэдрүүлэхийн тулд бүхнийг хийнэ. Хамгийн чухал зүйл бол бүгд өөрийн чадах бүхнээ хийж Реал Мадридад цом авчирах явдал юм”

М.Өлзийхутаг “CSPORTS TEAM”