Монгол Улсын Ерөнхийлөгч Ц.Элбэгдорж Япон улсад айлчилж байгаа билээ. Тэрбээр айлчлалынхаа хүрээнд Япон, Монгол 2 орны  бизнес, хөрөнгө оруулалт, хамтын ажиллагааг эрчимжүүлэх зорилгоор Токио хотод болох “Япон, Монголын Бизнес Форум”-д оролцож байгаа юм. Тэгвэл үүнтэй холбогдуулан японы эдийн засгийн хамгийн том нэр хүнд бүхий  Никкей сонин нь  өнөөдөр өглөөний дугаартаа  Монгол орны тухай тусгай булан бэлтгэн манай улсыг сурталчилжээ.