Стивэн Жеррард зодог тайллаа

Английн шигшээ баг болон Ливэрпүүлийн ахлагч Стивэн Жорж Жеррард шигшээ багаасаа албан ёсоор зодог тайлахаа мэдэгдлээ. Тэрээр шигшээ багтаа 2000 онд дуудагдаж Английн шигшээ багийн өмсгөлийг 114  удаа өмсөж  талбайд  гарч 21 гоол оруулжээ. Түүний шигшээ багтаа хийсэн 114 тоглолт нь Английн шигшээ багийн төлөө хамгийн олон тоглосон тамирчдын гуравдугаарт бичигдэх амжилт юм.  Стивэн Жеррард нь 114 тоглолтынхоо 38-д нь шигшээ багийн ахлагч хэмээх хүндтэй үүргийг гүйцэтгэн талбайд гарсан байна.