Э.Бат-Үүл нарт булаалт дээрмийн хэргээр эрүү үүсгэхгүй юм уу
Сонгуульд дэвшиж, сурталчилгаа хийж байсан үеийнх нь төрх байдлыг харвал одоогийнхоосоо тэс өөр л дөө. Газраа төрд битгий өг, хувийн тансаг хаусаа та нар барих хэрэгтэй. Үүл баатар ингэж жоотгоносоор байгаад олон бараа бологсдын ихэнхийг НИТХ-д төлөөлөгчөөр сонгуулж чадсан билээ. Тэр үеийнх нь хэлж ярьж явсныг одоо санахад, залилан мэхлэлт хийх гэж ятгаж явсан байна. Одоо хийж байгаа зүйлс нь өмнө нь хэлж ярьж байснаас нь тэс ондоо байгаа учраас түүнийг залилангийн хэрэгт татсан ч болохоор. Бас гэр хорооллын дахин төлөвлөлт нэрээр ядарсан ард иргэдийн газрыг АН-ын компаниудад авч өгөх үзэл суртлын аяныг маш өргөн явууллаа. Үүнийгээ маш сайн ажил гэж байгаа.
Харин сүүлийн үед ҮАБЗ-өөс санамж авсан удирдлагууд хүний өмчийг булаах, дээрэмдэх эрхтэйгээ алхам тутамдаа зарлан тунхаглах боллоо. Нийслэлийн хэмжээнд хүн амьдрахад аюултай, нурах болсон 320 гаруй байшин барилга байгаа. Тэнд оршин суугчдын хүчээр нүүлгэж, хувийн компанидаа хямдхан бөгөөд байршил сайтай газар авч өгөх компанит ажлыг нийслэлээс зохион байгуулж эхэлсэн. Оршин суугчдын 80 хувь нь зөвшөөрсөн нөхцөлд байшинг хүчээр буулгах журмыг НИТХ-аас гаргалаа. Энэ бол дээрэм хийх эрх зүйн орчноо өөрөө бүрдүүлж байгаа гэсэн үг. Сүүлдээ улаан цайм юм хийх болов. Бразил руу 18 хүнтэй хөл бөмбөгийн багаа манай НИТХ-ын тэргүүлэгчдийн дарга халзан Д.Баттулга явуулж банйа. Зардал нь 200 гаруй сая төгрөг. Тэд эргэж ирээд Улаанбаатарыг хөгжүүлнэ. Энэ өчнөөн хэл ам дагуулна. Тэгэх тусмаа дээрэмчид улам гаарна, арга барил нь нарийсна. Тэдэнд булаалт дээрмийн зүйл ангиар нь эрүү үүсгэх ёстой юм биш үү.
Б.Мөсөн
agshin.mn
URL:
