Гётце: Мөрөөдөл биелж байна

Германы шигшээ багийн ялалтын эзэн Марио Гётце дэлхийн аваргын цом хүртсэн нь мөрөөдөл биелж гайхамшигтай мэдрэмжийг мэдрүүлсэн хэмээн хэллээ. Тэрээр уг тоглолтын цорын ганц гоолыг оруусан юм.

Гётце: “Үнэхээр итгэмээргүй мэдрэмж. Юу гэж тайлбарлахаа мэдэхгүй байна. Би зүгээр л цохисон. Үнэндээ юу болсоныг мэдээгүй. Итгэмээргүй байлаа. Бидний хувьд мөрөөдөл биелж байна. Би багаараа бахархаж байна, мөн Бразилд болсон бүх гайхалтай зүйлд баяртай байна. Манай багийн бүх л тамирчин энэхүү цомыг хүртэхэд гавъяа байгуулсан, мөн бахархаж байна” хэмээжээ.

Марио Гётце анхны дэлхийн аваргадаа оролцож байгаа ба нийт 6 тоглолтонд оролцон, 2 гоол оруулсан юм. Тэрээр анхны гоолоо Ганын хаалганд оруулж байсан билээ.