Германчууд Дэлхийн аварга боллоо

Бразилид  зохион байгуулагдаж буй Хөлбөмбөгийн ХХ дахь ДАШТ-ний аваргын төлөөх тоглолт өнгөрсөн шөнө болж Германы шигшээ баг Аргентины шигшээ багийг 1:0 харьцаатайгаар хожин, дөрөв дэх удаагаа дэлхийн аварга боллоо. Үндсэн цагт гоол оруулаагүй байсан хоёр баг нэмэлт цагт ширүүн өрсөлдөж, улмаар Германы шигшээ багийн хөлбөмбөгч Марио Готзегийн оруулсан ганцхан гоол тус багийг ийнхүү дэлхийн аварга болгов.