Хөшигтийн хөндий “хөшигний ард “

Хойтон жил ашиглалтанд орох ёстой Хөшигтийн хөндийн их бүтээн байгуулалтын ажлыг Мэргэжлийн хяналтын ерөнхий шалгажээ. Харамсалтай нь 40 жил хоолноосоо хугаслан байж төлөх журамтай их өрөөр босож байгаа Хөшигтийн хөндийн ажил шалгалтанд бүдэрчээ.

Уг шалгалтаар онгоц хөөрч, буух зурвасын барилга угсралтын ажлын техникийн шаардлагад суурийн доод үеийн ширхэглэлийн бүрэлдэхүүн тусгагдаагүй, цементээр бэхжүүлсэн суурийн нягтын хэмжээ стандарт хангахгүй байгаа нь илэрсэн байна.

Нисэх онгоц хөөрч, буух зурвасын газар шорооны ажлыг ”Насны зам”, “Нэйшнл девелопер” компани, цутгамал хонгил байгууламжийг “Очир төв”, терминал, гүүрийг БНХАУ-ын “Сайноохидро бюро 9”, хөөрч, буух зурвасын цементээр бэхжүүлсэн суурт, хучилтыг БНСУ-ын “Сунгдо Гонсол Сувон” компани гүйцэтгэж байгаа аж.