Мессигийн хуруунуудыг тайрчээ

Аргентины нийслэл Буэнос-Айрест  байдаг тус улсын алдарт хөлбөмбөгчин Лионель Мессигийн хөшөөний хоёр долоовор хурууг үл мэдэгдэх танхайрагчид тайрч хаясан байна. Лионель Месси хоёр долоовор хуруугаа өргөн инээмсэглэж буйг дүрсэлсэн энэ хөшөөг Бразилд хөлбөмбөгийн ДАШТ эхлэхээс ердөө долоо хоногийн өмнө босгосон аж.

Танхайрагчид түүнчлэн ойролцоо орших Диего Марадона, Габриэль Батистута нарын хөшөөг ч гэмтээжээ. Буэнос-Айресын захиргаа гурван алдарт хөлбөмбөгчний хөшөөг тэр даруй засварлах шийдвэр гаргасан байна.