Ч.Улаан:Зөвшөөрөлгүй нээсэн дансуудыг хааж үлдэгдэл мөнгийг татаж авна

УИХ-ын чуулганы үдээс өмнөх хуралдаанаар Монгол Улсын нэгдсэн төсвийн 2013 оны гүйцэтгэлийн тайлангийн эхний хэлэлцүүлгийг хийж байна.

Санхүүгийн тайлангийн талаархи дүгнэлтийг Монгол Улсын Ерөнхий аудитор А.Зангад танилцуулсан. Аудит дүнтэй холбоотой  олон асуудал хөндөгдөж  чуулганы хуралдаан ширүүхэн уур амьсгалд үргэлжилж байна.

Тухайлбал Сангийн яамны сайд Ч.Улааны хэлж буйгаар  “2013 онд арилжааны банкуудаас мэдээлэл авахад 108 зөвшөөрөлгүй данс нээгдсэн байсан. Төсвийн шинэ хуулиар энэхүү дансуудыг илрүүлсэн. Эдгээр дансуудыг хааж үлдэгдэл төсөв мөнгийг шууд төсөвт татаж авна. Дансуудыг аль яаманд хэзээ нээсэн талаархи он сар өдөртэй нь удахгүй гаргаад өгнө.” гэлээ.

new.mn