МАН-ынхан Хятадуудаас 3 сая ам долларын хахуул авчээ

Азийн хөгжлийн банк­ны 50 орчим сая ам. дол­ларын санхүүжил­тээр  Ховд аймгийн Булган су­маас Манхан сум хүр­тэл зам

тавих тендерийг 2009 оны нэгдүгээр сард зарлаж, мөн оныхоо дө­рөв­дүгээр сард дүгнэх учиртай байжээ. Гэвч өнөөд­­­рийг хүртэл ший­дэг­дээгүй явна. Энэ нь МАХН доторх улс төр биз­неийн бүлэглэлүүдийн үйл ажиллагаатай хол­боо­той аж. Тус намын хамгийн том хотын фракц БНХАУ-ын “Чайна жео инжинеринг” компанийг уг тендерт шалгаруулах ёс­той гэж үзжээ. Гэвч тухайн компанид уг тендерийг өгөх нөхцөл бүрдэж өгөх­гүй өдий хүрсэн гэнэ. Тех­ни­кийн нь үзүүлэлтийг аваад үзэхээр тэднийх унадаг. Түүнийг нь арай чүү гээд хил давуулаад ЗТБХБЯ, Сангийн яам руу явуулахаар эдийн засгийнх нь үзүүлэлт  паг суудаг зовлонтой гэнэ. Энэ компанийн хувьд урьд нь олон бүтэхгүй зүйл хий­сэн талаар тус салбарынхан ярьж бай­на.

Тэд Чойроос  Замын- Үүд хүртэлх авто замын тендерт шалгараад мөн­гийг нь салхинд хийсгэсэн муу мөртэй компани  аж. Түүгээр зогсохгүй Дэл­хийн банк “Чайна жео ин­жинеринг” компанийг өөрийн­хөө зүгээс зар­ласан ямар нэг тендерт оруулахгүй хэмээсэн мэдээл­лийг вэб сайтдаа байршуулаад байгаа аж. Польш улсад Дэлхийн банкнаас зар­ла­сан тендерт шалгарч ажил авчихаад түүнийгээ хийж чадалгүй ийм нэр хочтой болжээ. Гэтэл ма­найд бол хүчтэй Шадар сайдын толгойлдог хотын фракцийн дэмжлэгтэй бо­ло­хоор дээрх замын тен­дерийг тэд заавал авах ёстой юм байх.

Тэднийг яагаад ингээд байгаа гол шалтгааныг  “МАН байр барих гэж тус компаниас гурван сая ам долларыг авахдаа уг тендерт ялуул­на” гэж хэлсэн гэх. Ийм тохиролцоогоор ажил­лаж байгаа бол замтай болно гэхээсээ илүү хо­тын фракц мөнгөний ма­шин­тай болж байна гэ­хээс өөрөөр хэлж болох­гүй болов уу. Дээрх ойл­голтын мөрөөр хууль хяналтынхан орсон та­лаар зарим нэг хүн хэлж байна. УИХ-ын хаврын чуулган өндөрлөх тэр мө­чид Авлигатай тэмцэх газ­рын дарга Ч.Сан­гараг­чааг, дэд дарга Д.Сун­дуйсүрэн нарын тухай хэлэлцэх болоход МАН-ын залуу гишүүд хаацай­лаад байсан.

Тэр нь на­мын­хаа байрыг барих гэж  гадны компанийг тендерт шалгаруулах нөхцөлөөр  гурван сая ам. доллар авсан гэдэг нь илэр­чих­гээд байсных юм болов уу. Хуулийнхан ч хусах­даа сайн юм даа. Энэ аж­лыг ЗТБХБ-ын яаман дээр хариуцан ажиллаж бай­гаа гол хүн бол хотын фракцын хормойноос зүүг­­­дэж явдаг дэд сайд  Д.Пүрэвдорж. Түүний хувьд бол нийслэлийн Нийтийн тээврийн газ­рын дарга байж байгаад фракцынхаа тол­гойлог­чийн буянаар эл албан тушаал дээр очсон гэд­гийг тээврийн салба­рын­хан хэнээр ч хэлүүлэлтгүй мэднэ. Түүн дээр хүч нэ­мж байгаа гол хүн нь нутагтаа “тендерийн ман­гас гэж нэрлэгдэх болсон УИХ-ын гишүүн С.Бям­бацогт” гэнэ.

Түүний хувьд уг замын тендерт “Чайна жео инжинеринг” ком­па­ниас гадана БНХАУ-ын “Hyway” группыг нэмж оруу­ла­хаар давхар ажил­лаж байгаа аж. Түүний эл үйлдэлд хамгийн их дэмж­лэг үзүүлж байгаа албан тушаалтан бол Ав­то­за­мын газрын орлогч дарга н.Онон хэмээх за­луу  гэнэ. Ингэж МАН-ын улс төр бизнесийн бүлэг­лэлүүд ногоон мөнгөний төлөө цагаан хөөсөө цах­руулан зүтгэж яваа юм байх аа. Иймэрхүү улс төр бизнесийн бүлэг­лэлүү­дийн хүрээнд одоогийн байдлаар зам ч үгүй зар­ла­сан тендер ч үгүй явна.  Хөөрхий…

shudarga.mn