Генерал Т.Дашдэлэг нар Дээд шүүхэд ханджээ

Зэвсэгт хүчний жанжин штабын Агаарын довтолгооноос хамгаалах цэргийн командлагч асан, баригадын генерал Т.Дашдэлэг нарт холбогдох хэргийг Сүхбаатар дүүргийн шүүх дээр хэлэлцэж, анхан шатны шүүхийн шийдвэрийг хэвээр үлдээсэн.

Тодруулбал, анхан шатны шүүхээс Т.Дашдэлэг нарыг албан тушаалаа урвуулан ашиглаж, бусдын эд хөрөнгийг завшиж
үрэгдүүлсэн хэрэгт буруутай болохыг тогтоож Т.Дашдэлэгт 3.5 жилийн хорих ял, Н.Бямбаноровт 7.1 жил, Н.Сэргэлэнбаатарт 5.1 жилийн хорих ялыг жирийн дэглэмтэй хорих ангид эдлүүлэхээр тус тус шийтгэсэн юм. Тэдний өмгөөлөгчид болон өөрсдөө дахин давж заалдсанаар Дээд шүүхэд уг хэргийг хянан хэлэлцэх шүүх хуралдаан маргааш Дээд шүүхийн танхимд болно.

НИЙСЛЭЛ ТАЙМС