Хураасан барааг устгалаа

ШӨХТГ-ын дарга О.Магнайн тушаалаар иргэдэд хугацаа нь дууссан, шинжилгээний бичиггүй, чанарын шаардлага хангахгүй бараа бүтээгдэхүүн зарж байсан үйлдлийг таслан зогсоож тэдгээр бүтээгдэхүүнийг хурааж авсан байна. Хураагдсан бараа бүтээгдэхүүнийг өчигдөр 10.00 цагт тус газрын байцаагчид зориулалтын хогын цэг дээр аваачин устгалаа. Мөн тус бараа бүтээгдэхүүнийг худалдан борлуулж байсан аж ахуйн нэгжүүдэд хариуцлага тооцож дахин ийм алдаа гаргахгүй байхыг үүрэг болгосон байна.