Цөм ,Ураниум, цөмийн шаар нунтаг … АЦС

АЮУЛААС МОНГОЛ минь ҮҮРД ангид оршин АЛТАН НАР, УС САЛХИ
түшин ЭРЧИМ хүчит мандан бадрах болтугай !

Дууны Үг: Цаасан шувуу
Өвчинд шаналсан өнчин охин
Өрөвчхөн сэтгэлээр шувуу хийжээ
Хийсний тоогоор нас нь уртасдаг
Хуучны домгонд итгэн биширчээ

Зуун мянган шувуу хийвэл
Ямар ч зовлонгоос салдаг гэж
Зургаан тивийн хүүхэд бүхэн
Япон охинд шувуу илгээжээ

Хөөрхий охины амьдрах хүсэл нь
Хүн төрөлхтний мөнхийн хүслэн
Хийсэн шувууд нь нисэн дүүлээд
Хүй орчлонд ингэж хэлжээ

Эрүүл явбал хосгүй сайхан
Эрхэм дээдийн жаргал гэж
Дайн дажингүй амар тайван
Даяар олны жаргал гэжээ

Арван хаврыг үзсэн охин
Алтан дэлхийгээс халин нисчээ
Тэсрэх бөмбөг дайны эсрэг
Тэмцлийн хөшөө болон мөнхөрчээ

Хөшөөн дээр ингэж сийлжээ
Хөөрхий охины хүслийг бичжээ
Цацрагт хордолт надаар дуусаг
Цаасан шувууд нисэн хэл гэжээ