Хулгайлсан эд зүйлээ автобусны кондукторт дамжуулсныг илрүүлжээ

Өчигдөр өдрийн 11:00 цагийн орчим Баянгол дүүргийн 13-р хорооны нутаг дэвсгэрт “Өргөө-1″ кинотеатрын автобусны буудлаас халаасны хулгайн гэмт хэрэг үйлддэг, цагдаагийн байгууллагын сэжигтний бүртгэлд бүртгэлтэй дөрвөн этгээд 7-н буудал 5-н шар чиглэлийн автобусанд сууж, хулгай хийжээ.

Улмаар 1-р хороолол хүрэх замдаа дөрвөн иргэний цүнх, халааснаас гар утас болон хэтэвчтэй бичиг баримт, мөнгө зэрэг эд зүйлийг хулгайлж автобусны кондукторт дамжуулсан байна. Энэ үйлдлийг НЦГ-ын ГХТГ-ын хулгайлах гэмт хэрэг мөрдөн шалгах хэлтсийн алба хаагч нар илрүүлэн шалгаж байна.Иймээс иргэд та бүхэн нийтийн тээвэр, худалдаа үйлчилгээний газраас үйлчлүүлэхдээ цүнх, халааснаасаа эд зүйлээ хулгайчид алдахаас болгоомжилж, сонор сэрэмжтэй байхыг цагдаагийн байгууллагаас анхааруулж байна.

 Б.ЦЭЛМЭГ

http://www.medee.mn/main.php?eid=48348