Дэлхийн байгаль орчны өдөр

Өнөөдөр Дэлхийн байгаль орчны өдөр тохиож байна. НҮБ-ын Ерөнхий Ассемблейн хуралдаанаар жил бүрийн зургаадугаар саырн 5-ны өдрийг Дэлхийн байгаль орчны өдөр болгон тэмдэглэж байхаар тунхаглажээ.

Энэ өдөр дэлхийн улс орнууд байгаль орчныг хамгаалах талаар чиглэлээр томоохон үйл ажиллагаа явуулж, өөр өөрийн уриа дэвшүүлэн ажилладаг байна. 5Манай улс энэ жил дэлхйин байгаль орчны өдөрт зориулан хэд хэдэн үйл ажиллагаа зохион байгуулахаар төлөвлөжээ. Тухайлбал Чингис хааны нэрэмжит төв талбайд 12.00 цагт “Зөв сонгож, хэмнэлттэй хэрэглэе” уриан дор их, дээд сургууль, МСҮТ, коллежийн оюутан сурагчдын дунд “Flash mob” тэмцээнийг зохион байгуулна. Мөн Байгаль хамгаалах сангаас зохион байгуулж байгаа “Монголчуудын байгаль хамгаалах өв соёл, уламжлал ба орчин үе” сэдэвт эрдэм шинжилгээний бага хурал Цэнгэг ус, байгалийн нөөцийн газарт болох аж. Түүнчлэн “Биологийн олон янз байдал Мongolica-2013”гэрэл зургийн үзэсгэлэн Занабазарын музейд 16.00 цагт дэлгэгдэх юм. Тэнгис кино театрын бага танхимд 18.00 цагт манай орны амьтдын нүүдэл, амьдрах орчин дахь нөлөөлөл, түүний шийдлийн тухай бүтээсэн “Гарц” баримтат киноны нээлт болох юм байна.