Эдийн засагт эрчимжүүлэх 24 хоногт талхны үнэ 50-100 төгрөгөөр нэмэгдлээ

        Сүүлийн үед өргөн хэрэглээний бараа бүтээгдэхүүний үнэ тогтмол өсөн нэмэгдсээр байгаа билээ. Тэгвэл энэ удаа талхны үнэ 50-100 төгрөгөөр өсчээ. Тухайлбал “Талх чихэр” ХК өнгөрсөн долоо хоногт “Атар” талхнаас бусад талхныхаа үнийг  50-100 төгрөгөөр нэмсэн байна. Тэд үүнийгээ түүхий эд буюу гурилын үнэ нэмэгдсэнтэй холбон тайлбарлаж байгаа юм.

Түүнчлэн “Атар-Өргөө” ХК мөн адил “Атар” талхнаас бусад талхны үнээ 100 орчим төгрөгөөр нэмсэнээ дуулгажээ. Энэхүү үйлдвэрийн үнэ дээр дэлгүүр, худалдааны төвүүд дахин 50-100 төгрөг нэмж худалдаж байгаа юм.

Ийнхүү эдийн засгийг эрчимжүүлэх 100 хоногийн төлөвлөгөө хэрэгжиж эхлээд 24 дэх хоногт талхны 50-100 төгрөгөөр нэмэгдээд байна

24tsag.mn