Apple ээлжит сюрпризээ барьж “Ухаалаг систем”-ээ танилцуулна

Үргэлж шинэ содон бүтээгдэхүүнээрээ хэрэглэгчдээ гайхашруулж байдаг Apple тун удахгүй шинэ бүтээгдэхүүнээ танилцуулахаар бэлтгэж байгаа тухай америкийн хэвлэлүүд өнөөдөр мэдээллээ.

Файнаншл Таймсын мэдээлснээр бол алдарт Apple I-phone гар утсаар дамжуулан гэрийнхээ гэрэл, цахилгаан хэрэглэл, мөн хамгаалалтын системээ удирддаг цоо шинэ боловсронгуй системийг 6 сарын 2-нд болох Олон Улсын Интернэт Сүлжээ Хөгжүүлэгчдийн Бага Хурал дээр танилцуулахаар төлөвлөжээ. Өнгөрөгч нэг сард Apple-ын захирлууд болох Тони, Маат нарын санаачилсан ухаалаг термостат хийдэг Nest Labs-ийг Apple компани худалдан авснаас хагас жил хүрэхгүй хугацааны дараа энэ мэдээлэл цацагдаж байгаа юм. Apple, Nest Labs-ийг 2.8 сая америк доллараар худалдан авсан нь цаг үеэ мэдэрсэн хожоотой наймаа болж чадсан гэдгийг энэхүү үйл явдал нотлон харуулсан хэрэг боллоо.

Энэ дашрамд Apple-ын өрсөлдөгч нарын нэг Google термостатыг хөгжүүлэх чиглэлээр ажилладаг томоохон компанид гурван тэрбум америк доллар оруулсныг сануулахад илүүдэхгүй хэмээн өнөө өглөөний америкийн сонинууд дээр онцолжээ.

Apple-ын хувьд 2012 онд гэрлийн систем, хамгаалалтын систем, гражийн хаалга онгойлгогч, хөгжмийн хянагч, цаг агаарыг хянагч болон гал тогооны ухаалаг систем гээд гар утастай холбоотой олон шинэ технологи дээрээ зохиогчийн эрх амжилттай авч чадсан юм.

Орчуулсан Б.Түвшин CNN.com

Эх сурвалж : www.bolod.mn