Дунд чөмгөөрөө жиргэж ханаагүй Дундговийн Засаг ноёныг оцруулах санал хүргүүлжээ

Дундговь аймгийн ИТХ-ын 25 төлөөлөгчийн 13 нь аймгийн Засаг дарга С.Сүхбаатарыг огцруулахаар ИТХ-ын дарга С.Буджавт

шаардлага хүргүүлжээ. Тэд Засаг даргаа огцруулах болсон шалтгаанаа “Орон нутгийн сонгуулиас хойш нэг жил зургаан сар өнгөрөөд байхад үйл ажиллагааны хөтөлбөрөө батлуулаагүй, шийдвэр гаргах төвшинд төрөл саднаа томилон, төрийн албыг төрлийн алба болгосон. Төрийн албаны тухай хуулийг зөрчин хууль бус томилгоо хийж, хөрөнгө зарцуулж байгаа” хэмээн тайлбарлажээ.

Уг шаардлагыг Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 32.6 дахь заалтыг үндэслэн тус аймгийн ИТХ 15 хоногийн дотор элэлцэж, олонхийн саналаар шийдвэрлэх юм байна.