Налайхын замд ноцтой осол гарлаа

Хонхороос Налайх орох замд өнгөрсөн бямба гаригт  зам тээврийн ноцтой осол гарч гурван хүн газар дээрээ амиа алдсан харамсалтай хэрэг гарчээ. Амиа алдсан хүмүүсийн нэг нь хүүхэд, хоёр нь том хүн байжээ. Осолдсон тээврийн хэрэгслийн жолооч нь хурд хэтрүүлснээс өөдөөс ирж явсан микро автобустай мөргөлджээ. Энэ талаар Замын цагдаагийн газраас тодруулахад “Хэргийг шалгаж байна. Мөрдөн байцаалтын ажил үргэлжилж байгаа учраас тодорхой мэдээлэл өгөх боломжгүй” гэсэн юм.

С.САРУУЛ