Ам долларын “Хавар” дуусах болоогүй
Вальютын ханшийн хэлбэлзэл ам долларын нийлүүлэлтээс гадна, хар захын арилжаагаас хамаарч байдаг. Аль ч улсад томоохон мөнгөн эргэлт болж байдаг энэхүү зах зээлд ам дамжсан мэдээлэл болон улиралын чанартай мөнгөн урсгал ханш тогтоох нэг хүчин зүйл болж байдаг юм.
Энэ талаар монгол банкны ерөнхийлөгч ч хэлсэн үгэндээ онцолсон. Тэрээр хэлэхдээ Хавар ам.долларын эрэлт их. Нийт валютын эрэлтийн 60 хувь нь хавар үүсдэг. Хавар өнгөрсний дараа, оны хоёрдугаар хагаст орох урсгал нэмэгдээд явдаг.
Одоо дөрөвдүгээр сарын сүүл, тав, зургадугаар сард ноолуурын мөнгө орж ирдэг, ийм циклтэй гэдгийг хэлж байсан юм. Хавар дуусахад ханш суларна гэж байсан хэдий ч ам долларын хавар дуусах болоогүй бололтой. Өнөөдрийн байдлаар Монгол мөнгөний ханш унаж, нэг ам доллар 1830 хүрчээ. Энэ нь зах зээлийн нийгэмд шилжсэнээс хойшхи хамгийн өндөр өсөлт юм.
Ам долларын өсөлтийг мөнгөн дүгнээр үзүүлбэл: 2011 оны яг энэ өдөр 1221 төгрөгийн ханштай байжээ. Жилийн дараа өөрөөр хэлбэл 2012 оны 5 сарын 20-нд 100 төгрөгөөр өссөн байна. Харин 2013 оны жилийн өсөлт 200 төгрөг байсан бол дахин жилийн дараа өөрөөр хэлбэл өнөөдрийн байдлаар жилийн өмнөхтэй харьцуулахад 400 төгрөгөөр өсчээ.
Тэгвэл өндөр хэрэглээтэй байдаг юанийн ханшийн жилийн өсөлт ч гэсэн өссөн үзүүлэлтэй байна. 2012 оны жилийн өсөлт 20 төгрөг, 2013 оных 30 байсан бол энэ жилийн юанийн өсөлт 60 төгрөг болж 2 дахин өсчээ.
Ам доллар болон юанийн ханшийг монгол банкнаас тогтоосон байдлаар нь харуулбал 2012 онд АНУ доллар1,221БНХАУ-ын юань188, 2013 онд АНУ доллар1,439, БНХАУ-ын юань 234.5 байсан бол өнөөдөр АНУ доллар1,819БНХАУ-ын юань 291 байна.
URL:
