Л.Месси ганцаараа 15 улсын шигшээ багаас үнэтэй

Сар хүрэхгүй хугацааны дараа хөлбөмбөгийн Дэлхийн аваргын тэмцээн эхэлнэ. Манай гарагийн шилдэг 32 баг өрсөлдөх энэхүү тэмцээний шигшээ багуудын чансаа болон үнэлгээг Испани тэргүүлжээ. Сүүлийн гурван том тэмцээнд торгон жолоо өргүүлсэн “Ялагдашгүй Армада” FIFA-гийн чансаанд нэгд бичигдэж байгаа. Мөн Бразилын “Pluri Consultoria” үнэлгээний компаниас гаргасан 32 багийн жагсаалтыг тэргүүлсэн юм.

Шигшээ баг бүрийнхээ хамгийн үнэтэй тамирчнаар шалгарсан тамирчдыг клубээр нь авч үзвэл “Манчестер Юнайтед”-аас 6, “Барселона”-гаас 3, “Бавари” 3, “Ювентус” 3, Испанийн “Реал Мадрид”, “Челси”, “Ман.Сити”, “Фулхэм”-ээс тус бүр 2, “Монако”, “ЦСКА”, “ПСЖ”, “Боруссия Дортмунд”, “Интер Милан”, “Байер”, “Сиэттл Санудерс”, “Брюгге”, “Селтик”-ээс тус бүр нэг тамирчин багтжээ.

Испанийн шигшээгийн тамирчид нийтдээ 483.8 сая еврогийн үнэ хүрсэн бол Аргентин 474, Бразил 467.5, Герман 447.9, Франц 402.1 сая еврогийн үнэд хүрсэн. Харин сүүлийн тавд АНУ 56.1, Австрали 44.2, Иран 39.3, Коста Рика 37.4, Гондурас 32.3 сая еврогоор тамирнаа бүрдүүлсэн байна.

М.Золбаатар

- See more at: http://www.mongolcom.mn/read/9028#sthash.S054ZGz0.dpuf