“Crystal town” хорооллын 13 давхараас 27 настай эмэгтэй үсрэх гэж байсныг аварчээ

     2014.05.20-ны хоногийн хугацаанд объектын гал түймрийн 3, зөрчлийн 7, аврах ажиллагааны 3 дуудлагаар харъяа дүүргийн Онцгой байдлын хэлтэс, Аврах, гал унтраах ангийн бүрэлдэхүүн шуурхай арга хэмжээ авч ажиллаласан байна.

Объектын гал түймрийн тухайд :

    Сүхбаатар дүүргийн 20 дугаар хороо, Бэлхийн хадатын зуслангийн задгайд өвс шатаж байна гэсэн дуудлагыг 08:38 цагт өгснөөр Аврах, гал унтраах 34 дүгээр ангийн тасгийг гаргаж унтраасан.

    Баянгол дүүргийн 19 дүгээр хороо, 51 дүгээр байрны 2 дугаар орцны хогийн сувагт хог шатаж байна гэсэн дуудлагыг 08:41 цагт өгснөөр Аврах, гал унтраах 10 дугаар ангийн 2 дугаар тасгийг гаргаж унтраасан.

   Сонгинохайрхан дүүргийн 25 дугаар хороо, Хайрханы 12 дугаар гудамжинд байшин шатаж байна гэсэн дуудлагыг 10:23 цагт өгснөөр Аврах, гал унтраах 29 дүгээр ангийн тасгийг гаргахад 3х6 метрийн хэмжээтэй агуулах, 4х6 метрийн хэмжээтэй байшин хайрагдаж, эд зүйл шатаж байсныг унтраасан.

    Баянзүрх дүүргийн 5 дугаар хороо, 9 дүгээр байрны 1 дүгээр орцны хогийн сувагт хог шатаж байна гэсэн дуудлагыг 10:57 цагт өгснөөр Аврах, гал унтраах 10 дугаар ангийн 2 дугаар тасгийг гаргаж унтраасан.

    Сүхбаатар дүүргийн 13 дугаар хороо, Ногооны талбайн 1 дүгээр гудамж 16 тоотод хог шатаж байна гэсэн дуудлагыг 12:01 цагт өгснөөр Аврах, гал унтраах 10 дугаар ангийн 2 дугаар тасгийг гаргаж унтраасан.

   Баянгол дүүргийн 5 дугаар хороо, 3 дугаар Эмнэлэгийн автобусны буудлын замын урд дулаан худагт хог шатаж байна гэсэн дуудлагыг 17:54 цагт өгснөөр Аврах, гал унтраах 10 дугаар ангийн 2 дугаар тасгийг гаргаж унтраасан.

  Сүхбаатар дүүргийн 19 дүгээр хороо, Хандгайтын зуслангийн задгайд гэр шатаж байна гэсэн дуудлагыг 19:28 цагт өгснөөр Аврах, гал унтраах 34 дүгээр ангийн тасгийг гаргахад 5 ханатай гэр, эд хогшил бүрэн шатсаныг унтраасан.

   Хан-Уул дүүргийн 16 дугаар хороо, Нисэхийн дэнжид Сонсголон явах замд манаачийн байр шатаж байна гэсэн дуудлагыг 20:18 цагт өгснөөр Аврах, гал унтраах 30 дугаар ангийн тасгийг гаргахад барилгын компанийн 2х2 метрийн хэмжээтэй манаачийн байр шатаж байсныг унтраасан.

    Баянзүрх дүүргийн 3 дугаар хороо, 44-ийн 1 дүгээр байрны гадна машин шатаж байна гэсэн дуудлагыг 03:01 цагт өгснөөр Аврах, гал унтраах 10 дугаар ангийн 1 дүгээр тасгийг гаргахад хог шатаж Прадо загварын авто машин хайрагдан шатаж байсныг унтраасан.

   Баянзүрх дүүргийн 22 дугаар хороо, Баруун алтан өлгийн 36 дугаар гудамжинд гэр шатаж байна гэсэн дуудлагыг 03:05 цагт өгснөөр Аврах, гал унтраах 63 дугаар ангийн тасгийг гаргахад гэрийн цахилгааны утас шатсаныг аюулгүй болгосон.

Аврах ажиллагаа:

    Баянзүрх дүүргийн 26 дугаар хороо, Кристал тауны 13 дугаар давхараас хүн унах гээд байна буулгаж өгөөч гэсэн дуудлагыг 12:10 цагт өгснөөр Аврах ангийн Аврах шуурхай салбарын бүлгийг гаргахад 27 настай эмэгтэй цонхны тавцан дээр сууж байсныг таслан зогсоож ар гэрийнхэнд нь хүлээлгэн өгсөн.

    Багануур дүүргийн 2 дугаар хороо, 5 дугаар баг Хэрлэнгийн гүүрнээс баруун тийш 7 километрт машин шаварт суусан байна гэсэн дуудлагыг 15:33 цагт өгснөөр Багануур дүүргийн Онцгой байдлын хэлтсээс 6 албан хаагч очиход бага насны 1 хүүхэд, 4 том хүн Лексус 470 загварын автомашин шаварт суусан байсныг татаж гаргасан.

    Төв аймгийн Мөнгөнморьт сумаас Багануур орох замд машин шаварт суусан байна гэсэн дуудлагыг 16:17 цагт өгснөөр 6 албан хаагчийг очиход бага насны 3 хүүхэд, 3 том хүнтэй, Ланд-100 загварын автомашин шаварт суусан байсныг татаж гаргасан.