“Facebook” дүрстэй чатын үйлчилгээ нэвтрүүлнэ

САН ФРАНЦИСКО. /Ёнхап/. Дэлхийн олон нийтийн хамгийн том цахим сүлжээний үйлчилгээ үзүүлэгч “Facebook” компани шинээр дүрстэй чатын үйлчилгээ нэвтрүүлэх гэж байгаа тухай Британийн “Financial Times” сонин энэ сарын 18-ны дугаартаа мэдээлэв.

“Facebook” компанийн удирдагч Марк Цукерберг өнгөрсөн жил дүрстэй чатын программ худалдан авахаар холбогдох компаниудтай уулзаж байсан боловч амжилтад хүрээгүй байна. Тиймээс өөрийн компанийн хүчээр “Slingshot” хэмээх шинэ программ бүтээж ажлыг эхэлжээ. Уг программыг энэ сард багтан үйлчилгээнд нэвтрүүлж магадгүй гэж холбогдох эх сурвалж хэлж байна.

А.Цацралт

 Монцамэ