Өнгө, сэтгэл хөдлөл, зан араншин

Хүн нэг биш хоёр гурван өнгийг сонирхож илүү эрхэмлэдэг. Өмссөн хувцас, тавилга хэрэгсэл, машины өнгө зэргээс тэр хун чухам ямар өнгийг эрхэмлэдэг болохыг мэдэж болно.

Эрхэмлэдэг өнгө нь тухайн хүний сэтгэлийн хөдлөл, зан араншинг илэрхийлдэг.

Цагаан – Энэ өнгө нь мөрөөдлийн өнгө учир бүх өнгийн нийлэг дэвсгэр өнгө юм. Энэ өнгийг эрхэмлэдэг хүмүүс дур булаам сайхан зантай, хэнийг ч өөрөөсөө холдуулдаггүй.

Хар - Энэ өнгө нь итгэлгүй байдал, амьдралыг хараар ойлгохын тэмдэг. Гашуудлаас бусад үед хар өнгийн хувцас өмсдөг хүмүүс, амьдралыг байнга гэрэл гэгээгүй хар бараанаар ойлгодог, өөртөө итгэдэггүй, аз жаргалгүй, амьдралынхаа дээд хүслэнг хэзээ ч биелэхгүй гэж эргэлздэг.

Саарал - Энэ өнгө нь үл итгэх зантай, бодлоготой хүний дуртай өнгө. Тэд ямар нэг шийдвэр гаргахын өмнө удаан боддог.

Улаан - Энэ өнгө нь сэтгэл оргилуулсан өнгө. Энэ өнгөнд дурладаг хүн зоригтой, сэтгэлийн тэнхээтэй, дэврүүн, нийтлэг, бас бодь байдаг. Тэд бүрэг биш хэрүүл маргаанаас айдаг, гомдол нь удаан тайлагддаг.

Улбар шар - Энэ өнгө нь мөрөөдөмтгий зөн билэгтэй хүмүүсийн өнгө. Энэ өнгө бас бялдууч, хуурамч утга илэрхийлэх нь бий.

Хүрэн - Энэ өнгийг өөрийгөө хөл дээрээ баттай зогссон хэмээдэг хүмүүс сонгодог. Тэд уламжлалаа хүндэтгэж, гэр бүлээ үнэлдэг.

Шар - Энэ өнгө нь тайван зөв боловсон харьцаатай, сэхээтэн маягийн хүний билэг тэмдэг болсон өнгө. Тэд нийтэч, сониуч, зоригтой, амархан дасамтгай, өөртөө хүмүүсийн сонирхлыг татаж чаддаг.

Цайвар ногоон - Энэ өнгө нь хүнийг үзэн ядагч, өөрийн санаа бодлыг бусдад тулгахыг эрмэлзэгч хүний дуртай өнгө. Гэвч ийм хүмүүс өөртөө хүнд байдал тулгарахаас их айдаг.

Ягаан - Энэ өнгө нь бүх амьд юмсын амьдралын өнгө. Түүнд дурлагч, дэвэргэн, яльгүй юманд хөөрч баярлацгаадаг.

Нил ягаан – Энэ өнгө нь сэтгэлийн хөдөлгөөнтэй, мэдрэмтгий маш амархан гомддог, сайхан сэтгэлтэй, эв эвтэйг илэрхийлсэн өнгө. Ер нь бүх талын авъяастай хүмүүсийн өнгө.

Хөх – Энэ өнгө нь тэнгэрийн өнгө. Энэ өнгийг их даруу төлөв хүмүүс сонирхдог. Тэдэнд бусдын дэм, бусдад итгэх итгэл ч чухал байдаг.

Ногоон - Энэ өнгийг өөрийгөө дайчилж ирээдүйд тэмүүлдэг хүмүүс сонирхдог. Тэд хувь заяагаа элдэв мэргэ төөрөгт даатгаж, бэрхшээлээс айдаг.