Путины ихэр гэгддэг Хятад залуу Путинтай уулзахыг хүсчээ

ОХУ-ын Ерөнхийлөгч В.Путин энэ сарын 20-нд БНХАУ-ын дарга Си Жинпиний урилгаар тус улсад албан ёсны айлчлал хийхээр болсон юм. Тус уулзалтын үеэр Путины хятад ихэр түүнтэй уулзаж, хамт зургаа авах хүсэлтэй буйгаа “Синьхуа” агентлагт ярьсан байна.

Путинтай тун адилхан Лоа Янпонг гэгч нь тус улсын Гуандон мужид амьдардаг аж. Тэрээр ОХУ-ын Ерөнхийлөгчийг Хятад улсад айлчилна гэдгийг мэдсэнийхээ дараа Шанхай хотын олон улсын нисэх буудалд байрших зөвшөөрөл хүсч, нисэх буудлын удирдлагуудтай уулзаж эхэлсэн гэнэ.