Хорт бодисонд хордож 509 хүн эмнэлэгт хэвтэж эмчлүүлснээс 21 нь нас баржээ
Хүн амын дунд зонхилон тохиолдож буй арван өвчний жагсаалтад хордлого, осол гэмтэл багтаж байгаа бөгөөд эдгээр өвчлөл үхэлд хүргэсэн тохиолдлоор сүүлийн таван жилд эрсдэл ихтэй өвчин эмгэгийн жагсаалтын тавдугаар байраас гуравдугаарт шилжжээ.
Дэлхий нийтийн хөгжлийн энэ хандлага нь манай оронд ч нөлөөлж байгаа бөгөөд химийн хорт бодисын ашиглалт, хамгаалалтын байдалд 1994 онд явуулсан улсын үзлэгийн дүнгээр 1300 орчим үйлдвэр, аж ахуйн нэгжид 7300 нэр төрлийн 3800 орчим тонн химийн бодис хэрэглэж, тэдгээрээс байгаль орчинд 50 гаруй тонн химийн бодисын хаягдал гарч байгаагаас агаарт 68, усанд 790, хөрсөнд 600 нэр төрлийн химийн бодис хаягдаж байгааг тогтоожээ.
Тэгвэл 1998-2003 онд химийн хүчил, шүлтээр 213, угаарын хийн хордлогоор 118, нитритийн хордлогоор 55, фосфат, цайрын хордлогоор 43, бусад төрлийн химийн бодисоор 80 хүн тус тус хордож, 509 хүн эмнэлэгт хэвтэж эмчлүүлснээс 21 хүн нас барсан байна.
Хөгжил, хот төлөвлөлтийн бодлогын алдааны сөрөг үр дагаврын дүнд агаарын бохирдол сүүлийн арван жилд дээд цэгтээ хүрч, Улаанбаатар дэлхийн хамгийн өндөр химийн бохирдолтой хотын тоонд орох боллоо.
URL:
