Налайхын уурхайд хүний амь 8-12 сая төгрөгөөр үнэлэгддэг

2014 оны 1-р сарын 7-нд Налайхад уурхайн  ам ажиллуулдаг Ж.Амартүвшингийн уурхайд шавар нурж тэнд ажиллаж байсан О.Амармижид нурангинд даруулж амиа алдсан. Цагдаа, прокурор  амны эзэнг хөдөлмөр хамгаалалын дүрэм зөрчиж бэхэлгээ рамыг зохих журмын дагуу тавиагүй хэмээн мөрдөн байцаалт явуулж яллах дүгнэлт бичсэн . Харин шүүх хуралд хохирогчийн хууль ёсны төлөөлөгч Н.Пүрэвцэцэг “хохиролд 8.3 сая төгрөг авсан тул  гомдол санал нэхэмжлэх зүйлгүй” гэснээр Ж.Амартүвшинд 2.5 жилийн хорих ял оноогоод тэнсэн харгалзжээ.

-Налайх дүүргийн 3-р багийн нутаг дэвсгэрт “Хунхуа” компаний ашиглалтын талбайд Л.Соёл нь зохих зөвшөөрөлгүй ам ажиллуулж байсан. Өнгөрсөн оны 11-р сарын 15-нд мөн л бэхэлгээ рамыг дүрмийн дагуу тавиагүйгээс шавар нурж тэнд ажиллаж байсан З.Галмандах нурангид даруулж амиа алдсан. Хохирогчийн төлөөлөгч Г.Батбилэг “хохиролд 12 сая төгрөг авсан тул гомдол саналгүй” гэснээр Л.Соёлд 3.6 жилийн хорих ял оноогоод тэнсэн харгалзжээ.

NUUTS.MN