Р.Бурмааг АН-аас хөөж Б.Мэдэрээ УИХ-ын гишүүн болох уу?

Өчигдөр тус намын Хяналтын ерөнхий хороо хуралдаж УИХ-ын гишүүн Р.Бурмааг ардчилсан намаас хөөх шийдвэр гаргасан байна. Гэхдээ түүнд ямар үндэслэлээр ийм хариуцлага оноох болсон тодорхойгүй байна. Хяналтын ерөнхий хорооны дараах шийдвэрийг ирэх долоо хоногт Ардчилсан намын Гүйцэтгэх зөвлөл хэлэлцээд зөв гэж үзвэл намын дарга Н.Алтанхуягт шийдвэрийг илгээж Н.Алтанхуяг шийдвэрээ гаргах ажээ.

УИХ-ын гишүүн Р.Бурмаа нь жагсаалтаар УИХ-д сонгогдсон билээ. Харин давхар дээлийг тайлах нь зүйтэй гэж санал өгсөн Х.Баттулга, М.Зоригт, н.Батзандан нарын гишүүд тойрогт нэр дэвшиж сонгогдсон юм.