Далан давхрын шарилуудыг чандарлана

Т.ДАЛАЙ

Далан давхрын оршуулгын газрыг дурсгалын цэцэрлэгт хүрээлэн болгох шийдвэрийг нийслэлийн удирдлагууд гаргасан билээ. Энэ  талаар  олон нийтээс санал авч иргэдийн 70 орчим хувь нь дэмжжээ.  Тиймээс удахгүй төслийн ажил эхлэх юм байна. Концесс эзэмшигчийг сонгон шалгаруулж, цаг агаар дулаарах үеэс эхлэн шарилуудыг чандарлах үйл ажиллагааг эхлүүлэх юм байна. Дурсгалын цэцэрлэгт хүрээлэн нь гурван хэсгээс бүрдэх бөгөөд төв хэсэгтээ үндэсний соёл, уламжлал харуулсан дурсгалын цогцолбор, зүүн, баруун хэсэгт байнгын үйл ажиллагаа бүхий шашны цогцолбор байх аж.  Уг төслийг энэ оноос эхлэн хоёр жилийн хугацаанд хэрэгжүүлэх юм байна.

ЗУУНЫ МЭДЭЭ