НАТО-гийн цэргийн сургуулилтад далайн гахай оролцоно
МОСКВА. /ITAR-TASS/. Энэ зун Хар тэнгист болох НАТО-гийн цэргийн сургуулилтад Америкийн цэргийн далайн гахайнууд оролцоно гэж АНУ-ын тэнгисийн цэргийн хүчний сүүн тэжээлтний хөтөлбөрийн албан ёсны төлөөлөгч Том ЛаПузза мэдэгджээ. Энэ нь НАТО-гийн хувьд цэргийн далайн гахай оролцсон анхны сургуулилт болох аж.
“АНУ болон Оросын тэнгисийн цэргийн далай гахайнууд задгай тэнгист анх удаа уулзах бололтой. Далайн гахайг АНУ, Орост л сургадаг” гэсэн түүний мэдэгдлийг Оросын “Известия” сонинд нийтэлжээ.
Хоёр долоо хоногийн хугацаатай сургуулилтад 20 далайн гахай, 10 далайн арслан оролцох аж. /Хар тэнгист гарцгүй улсууд хөлөг онгоцоо тус усанд 21-ээс дээш хоног байрлуулахыг зөвшөөрдөггүй/.
Америкийн цэргийн далайн гахайнууд дайсны талын дуу авианы локаторыг илрүүлэх радарын эсрэг шинэ туршилтад ашиглагдах бол далайн арслангууд тэсрэх бөмбөг болон усанд шумбагчдыг илрүүлэх сургуулилтад хамрагдах юм.
Л.Урангуа
Монцамэ
URL:
