Хархорин захад гал гарчээ

Нийслэлийн худалдаа үйлчилгээний томоохон төвүүдийн нэг Хархорин захад  ил гал  авалцаж олныг сандаргасан мэдээлэл байна. Битүү зах дотор гэнэт авалзсан гал их удвал шатсан Нарантуул зах шиг юм болох байсныг эх сурвалжууд мэдээлж Онцгой байдлын гал унтраах багийнхан цаг алдалгүй шуурхай ажилласны дүнд битүү зах доторх авалзсан галыг газар авхуулалгүй унтрааж чадсан гэж байна.

Өглөө зах нээгдэж олны хөл дараагүй байсан болохоор элдэв аваар осол гэмтэл гараагүй  хүн бэртсэн зүйл байхгүй гэнэ. Одоогоор гал гарсан шалтгааныг нарийн тогтоогүй ч худалдаачдын хэлж байгаагаар сантехникийн хэрэгсэл зардаг лангуунаас  гал гарсан байх магадлалтай гэжээ.

Fact.mn