Амралтын өдрүүдэд хүчингийн гурван хэрэг гарчээ

 Цагдаагийн байгууллагад энэ сарын 11-13-ны өдрүүдэд иргэд, аж ахуйн нэгж байгууллагаас гэмт хэрэг, зөрчлийн 4974 дуудлага, мэдээлэл иржээ. Үүнээс гэмт хэргийн шинжтэй 167 үйлдлийг бүртгэн холбогдох нэгжүүд шалгаж, 133 хэргийн эзэн холбогдогчийг илрүүлсэн байна. Нийслэлд бусдын биед гэмтэл учруулах долоо, хулгайлах 35, дээрэмдэх дөрөв, хүчиндэх гурав, булаах тав, танхайрах 37 хэрэг гарсан юм. Харин зам тээврийн хэрэг 47, гэмтсэн хүн 52, осол 39 гарч хоёр хүн нас барсан байна.