2 метр гүн муу усны нүхэнд 50 настай эрэгтэйн цогцос байсныг иргэний мэдээллэснээр гаргажээ

2014.04.05-ны хоногийн хугацаанд обектын гал түймрийн 10, гал түймрийн зөрчлийн мэдээлэл 6, хөрсний өвс шатсан мэдээлэл 10 цогцос гаргах 2, усанд автсан 1 дуудлагаар нийслэлийн аврах анги, харъяа дүүргийн Онцгой байдлын хэлтэс, Аврах, гал унтраах ангийн бүрэлдэхүүн шуурхай арга хэмжээ авч ажилласан байна.

Объектын гал түймрийн тухайд:

Сүхбаатар дүүргийн 18 дугаар хороо, Эрүүл мэндийн шинжлэх ухааны сургуулийн Эрхэс сувилалын газар хөрсний өвс шатаж байна гэсэн дуудлагыг 12:10 цагт өгснөөр Аврах, гал унтраах 10 дугаар ангийн 1 дүгээр тасгийг гаргахад Сэлхийн зусланд амьдардаг Б хашаандаа байдаг өндөр хүчдэлийн шугам тойруулж хашаа барьж гагнуур хийснээс хөрсний өвс шатаж 4 байшинд гал тархсан байсан тул нэмэлтээр Аврах гал унтраах 10 дугаар ангийн 2 дугаар тасаг, Аврах гал унтраах 14, 34 дүгээр ангийн тасгуудыг гаргаж уг сувлиалын 4х5, 6х16 метрийн хэмжээтэй эмчилгээний байшингууд бүрэн, 6х20 метрийн хэмжээтэй соёлын төвийн байшингийн дээврийн хэсэг, 7х8 метрийн хэмжээтэй өвлийн байшин бүрэн, 48 ширхэг хураалттай дэр мод шатаж байсныг унтраасан.

Хөрсний өвс шатсан талаар:

Баянзүрх дүүргийн 5 дугаар хороо, Цагаандавааны шарилын ойролцоо /5 га орчим/ хөрсний өвс, хог, Чингэлтэй дүүргийн 19 дүгээр хороо Өвөр гүнтэд 2 айлын хашаанд хөрсний өвс шатсан мэдээллийг Сүхбаатар дүүргийн 20 дугаар хороо Сэлхийн зусланд 2 айлын хашаанд хөрсний өвс, 3 хэсэг хураалттай өвс шатсан мэдээллийг 11:56 цагт өгснийг АГУ-х 10, 18, 34 дүгээр ангийн бэлтгэл ээлж, Сүхбаатар дүүргийн 18 дугаар хороо Эрүүл мэндийн шинэжлэх ухааны сургуулийн Эрхэс сувилалын газар /10 орчим га/ ой мод, хөрсний өвс шатсан мэдээллийг дугаарын утсаар 12:10 цагт өгснийг АГУ 10, 34 дүгээр ангийн бэлтгэл ээлж, Багануур дүүргийн 3 дугаар хороо, Аягын ам гэдэг газар /0,2 га/ хөрсний өвс шатсан мэдээллийг 12:20 цагт өгснийг АГУ 64 дүгээр ангийн бэлтгэл ээлж, Хан-Уул дүүргийн 11 дүгээр хороо, Удирдлагын академийн хашаанд хөрсний өвс шатсан мэдээллийг 12:41 цагт өгснийг АГУ 14 дүгээр ангийн бэлтгэл ээлж, Сонгинохайрхан дүүргийн 1 дугаар хороо, ОХУ-ын элчин сайдын яамны зуслангийн хашаанд /0,1 га орчим/ хөрсний өвс шатсан мэдээллийг 12:55 цагт өгснийг АГУ 11 дүгээр ангийн үндсэн ээлж, Чингэлтэй дүүргийн 17 дугаар хороо, Зүрх Уул Баянхайрханы зусланд /7 га орчим/ хөрсний өвс шатсан мэдээллийг 13:08 цагт өгснийг АГУ 18 дугаар ангийн үндсэн болон бэлтгэл ээлж, Сүхбаатар дүүргийн 19 дүгээр хороо Гоодойн зусланд хөрсний өвс шатсан мэдээллийг 15:26 цагт өгснийг АГУ 34 дүгээр ангийн бэлтгэл ээлж, Хан-Уул дүүргийн 11 дүгээр хороо, Зайсан толгойн өвөрт /4 га орчим/ хөрсний өвс шатсан мэдээллийг 16:56 цагт өгснийг нийслэлийн Онцгой байдлын газрын аврах гал унтраах ангийн албан хаагчид шуурхай ажиллаж унтраалаа.

Модноос цогцос буулгах:

Чингэлтэй дүүргийн 2 дугаар хороо, 25 дугаар байрны хойно Лайк караоеконы хашаанд ургаа модноос дүүжлэгдсэн хүний цогцос байна буулгаж өгнө үү гэсэн дуудлагыг 09:04 цагт өгснөөр Аврах, шуурхай салбарын тасгийг гаргахад нэр хаяг нь тодорхойгүй 40 орчим насны эрэгтэй хүн гинжээр боомилсон байдалтай нас барсан байсныг буулгаж дүүргийн цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгсөн.

Цогцос гаргах:

Чингэлтэй дүүргийн 10 дугаар хороо, 39 дүгээр сургуулийн баруун урд Чингэлтэйн 1 дүгээр гудамж 2 тоот хашаанд 2 метр орчим гүн, муу усны нүхэд хүний цогцос байна гаргаж өгнө үү гэсэн дуудлагыг дүүргийн цагдаагийн хэлтсээс ахмад н.Баатарболд 99774488 дугаарын утсаар 13:33 цагт өгснөөр Аврах, шуурхай салбарын тасгийг гаргахад нэр хаяг нь тодорхойгүй 50 орчим насны эрэгтэй хүний цогцос байсныг гаргаж дүүргийн цагдаагийн 2 дугаар хэлтсийн жижүүрийн бүрэлдэхүүнд шилжүүлэн өгсөн. 1,5 литр шатахуун зарцуулсан.

Айлууд усанд автсан:

Баянзүрх дүүргийн 12 дугаар хороо Жанжины 25 дугаар гудамж 575 тоот хашаанд ус орж ирээд байна гэсэн дуудлагыг 21:33 цагт өгснөөр Аврах, гал унтраах 35 дугаар ангийн 19 алба хаагч гарахад УСТ-15-ын зүүн талд “Хүрээ сан” ХХК, барьж байгаа цахилгаан станцын барилгынхаа суурийн давхарын ухсан нүхнээс гарсан усыг шавхаж гадагш нь урсгасанаас айлуудын хашааруу ус орсон байсныг урсгалыг өөрчилж, цахилгаан станц барьж байгаа компанид мэдэгдсэн байна.

Дүгнэлт:

Хоногийн хугацаанд гарсан гал түймрийн дуудлагын хувьд байшин шатсан 7 граж, амбаар, эд зүйл шатсан 4, хашаа шатсан 1, хог шатсан 2, хөрсний өвс шатсан 10, бусад 5, дуудлага ирсэн. Дүүргээр нь авч үзвэл Баянзүрх дүүрэгт 7, Сүхбаатар дүүрэгт 5, Баянгол дүүрэгт 2, Чингэлтэй дүүрэгт 2 дуудлага тус тус ирсэн байна.