Төв банк своп хэлцлээр 73 сая ам. доллар худалдав

Өнөөдрийн гадаад валютын дуудлага худалдаагаар банкууд ам.доллар худалдан авах саналаас гадна худалдах санал ирүүлжээ.

 Монголбанк 1784.00 төгрөгийн хаалтын ханшаар 16.4 сая ам.доллар худалдсан байна. Юанийн дуудлага худалдаагаар банкууд 24 сая юань худалдан авах санал ирүүлсэн ч Төв банк оролцсонгүй. Харин гадаад валютын своп, форвард хэлцлээр банкууд 73.0 сая ам.доллар худалдан авах төгрөгийн своп хэлцлийн санал ирүүлж, Монголбанк саналыг 100 хувь биелүүлжээ.

Гадаад валютын дуудлага худалдаа  нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.

 Б.Заяа montsame