Хунсар буюу “Анирлагч” Тэнгисийн дэлгэцнээ ахин уригдлаа

Хүн байгалийн нандин холбоосыг уран тансгаар илэрхийлж чадсан “Анирлагч” зориод ирсэн хэн бүхний сэтгэлийг анирлаж зүрхэнд хоногших чансаатай уран бүтээл чадсан нь кино сонирхогчдыг ихээр хорогдуулсан бололтой. Нээлтээ хийсэн өдрөөсөө л билетийн сураг тавьж эхэлсэн “Анирлагч” кино театруудад хэдийгээр гарч дууссан ч үзэгчдийн эрэл сурал, хүсэлтийн дагуу  Тэнгис кино театрийн дэлгэцнээ дахин гарахаар болсон байна.

Телевизийн найруулагчаас кино урлагт хүч түрэн орж байгаа найруулагч Д.Сангибатын тэсрэлт хийсэн дэлгэцийн анхны уран бүтээл “Анирлагч” киноны зохиолыг Д.Энхбаатар, Р.Оюунгэрэл нар бичиж,  продюссерээр “Амар медиа” продакшны захирал, жүжигчин, МУСТА Р.Адъяа нар ажилласан дээрх уран бүтээл бодит явдлаас сэдэвлэн бүтээсэн гэдэг утгаараа үнэхээр өрсөлдөхүйц болж чадсан юм.

Киноны гол дүрүүдэд УДЭТ-ын жүжигчин МУСТА Ц.Баясгалан, жүжигчин, загвар өмсөгч П.Шүүдэрцэцэг, мисс Х.Бадамгэрэл нар тоглож эх үрийн эгэлхэн хирнээ аз жаргалтай бас элэг эмтрэм амьдралын үнэн түүхийг чадварлагаар харуулж,  МУГЖ Д.Гүрсад, МУСТА Б.Баярсанаа, хөтлөгч, жүжигчин МУСТА Э.Ууганбаяр нарын авъяаслаг уран бүтээлчид тоглосон нь  ийнхүү олны хүртээл болж чаджээ.

Ингээд сэтгэлээ анирлаж амжаагүй, киногоо үзэж чадаагүй хэн бүхэн Тэнгисийн дэлгэцнээ ахин уригдсан “Анирлагч” -аа шимтэн үзэж болох нь.