Оросын саятан загвар өмсөгч найз бүсгүйгээ хэрцгийгээр зодсон нь дэлхийг шуугиулж байна

Москвагийн бизнесмэн “Девино Телеком” компанийн тэргүүн Павел Ушанов найз бүсгүй загвар өмсөгч Александра Средаг хэрцгийгээр зоджээ. Павел сүүлийн үед архинд их донтож, хэдэн өдөр алга болдог болж найз бүсгүйнхээ үгийг сонсохоо байсан байна. Бүсгүй тэвчээр алдан түүнлүү салах тухайгаа мессеж бичсэн бөгөөд өглөө нь явах гэж байхад нь хаалганы хонх дуугарч найз залуу нь ирсэн байжээ.  Александра хаалгаа тайлж өгөхгүй байсан боловч залуу ятгасаар тайлуулан шууд дайрч 10 минут орчим өшиглөж зодсон байна.  Найз бүсгүй нь залуугаасаа уучлалт гуйж зодохгүй байхыг гуйсан боловч үр дүнгүй байсан бөгөөд хамаг байдгаараа хашгирч аврал эрж шоконд оржээ.