Котоошюү сүмог орхилоо

Болгарын экс озэки Котоошюү өчигдөр зодог тайлж буйгаа мэдэгдлээ.
Тэрээр 2003 оны нэгдүгээр сард сүмогийн ертөнцөд хөл тавьж, тасралтгүй 50- хувийн амжилт үзүүлэхийн зэрэгцээ ердөө 13 башёгийн дараа саняаку зэрэгт хүрсэн амжилт гаргаж шуугиан тарьж байв. Түүнчлэн дайчин барилдааны шагналыг гурав, гарамгай барилдааны шагналыг хоёр удаа хүртэж, 2006 оны нэгдүгээр дүгээр сараас озэки цолтой барилдаж эхэлсэн юм.

Улмаар 2008 оны тавдугаар сарын нацу башёд 14 даваа, нэг унаатайгаар Японы эзэн хааны цомыг анх удаа хүртэж байлаа. Харамсалтай нь өнгөрсөн оны дунд үеэс түүн.ий амжилт огцом буурч, озэки цолоо алдаж, энэ башёд сэкивакэ цолтой барилдсан юм. Гэвч тэрээр уржигдрын барилдаанаас эхлэн башёг өнжсөн. Харин өчигдөр албан ёсоор зодог тайлж байгаагаа мэдэгдлээ.

Д.Жавхлан