Бас нэг хууль бус наймаа: Цоохор ирвэсний арьс худалдаалах гэж байжээ

Өчигдөр Хан-Уул дүүргийн 11-р хорооны “Бугат халиун” зоогийн газарт иргэн 34 настай эрэгтэй Х нь бусадтай хамтран цоохор ирвэсний арьс бусдад худалдах гэж байсныг цагдаагийн алба хаагчид таслан зогсоожээ. Хэргийг Хан-Уул дүүргийн цагдаагийн нэгдүгээр хэлтэст шалгаж байна.

Ирвэсийг монголын баруун хэсгээс агнасан байж болзошгүй гэж дүгнэж байгаагийн зэрэгцээ үүний цаана хууль бус ангийн олон хэрэг байх магадлалтайг шалгаж эхэлсэн байна.