Хамгийн их аз жаргалтай хүмүүс Фижи арал дээр амьдардаг
Их Британийн судалгааны төв “New Economic Foundatiaon”-аас “Бүх дэлхийн аз жаргалын индекс 2012″ судалгааны үр дүнг танилцуулжээ. 2006 оноос гаргаж эхэлсэн энэхүү үзүүлэлтээр дэлхийн улс орнуудыг ард иргэдээ аз жаргалтай амьдруулж чадаж байгаа эсэх, дундаж наслалт болон экологийн байдлыг нь харгалзан дүгнэж эрэмбэлдэг билээ.
Уг судалгаанд 151 орныг хамруулснаас Найрамдах Коста Рика улс байгалийн баялгаа яг хэрэгцээгээрээ ашигладаг, хүн амынх нь дундаж наслалт 77.4, ард түмэн нь сэтгэл хангалуун амьдардаг гэсэн үзүүлэлтээр буюу 64.036 оноогоор 2012 оны хамгийн аз жаргалтай орноор шалгарсан байдаг байна. Тус улсын нийт нутгийн 25 хувийг хамгаалалтанд авсан нь дэлхийд тэргүүлэх үзүүлэлт гэнэ.
Харин хамгийн их аз жаргалтай хүмүүс Фижи арал дээр амьдардаг гэсэн судалгаа гарсан байдаг байна. Тэдний 85 хувь аз жаргалтай хэмээн хариулсан байна. Үүний дараагаар Нигери оржээ. Иргэдийнх нь 84 хувь аз жаргалтай хэмээжээ. Энэ орны араас Нидерланд, Швейцарь, Колумби, Финлянд, Герман, Исланд, Дани орнууд бичигджээ.
URL:
