Чаргаар гулгаж байгаад гуяндаа төмөр нэвт сүлбэжээ

Сүхбаатар дүүргийн 19-р хорооны Хандгайтын цанын баазад иргэн, 14 настай эмэгтэй Н нь чаргаар гулгаж байгаад баруун талын гуяа гэмтээжээ.

Тодруулбал тус дүүрэгт байрлах Хандгайт цанын баазад гулгаж байсан хүүхэд төмөр хашааны хайсанд гуяараа сүлбэгдсэн аж. Энэ талаарх дуудлага уржигдар  15:11 цагт Онцгой байдлын хэлтэст  ирсэн бөгөөд дуудлагын дагуу Аврах, шуурхай салбарын тасгийг гаргахад 14 настай эмэгтэй хүүхэд цасанд булагдсан, хашааны хайсны төмрөнд баруун хөлний гуяны хэсгээр нэвт сүлбэгдсэн байжээ.

Ингээд аврагчид  төмрийг тайрч аван эмнэлгийн анхан шатны тусламж үзүүлэн ГССҮТ хүргэж өгсөн байна.

Дээрх хэргийг дүүргийн хоёрдугаар шүүх шалгаж байгаа аж.