“Шар” Энхээг баривчилжээ

Цагдаагийнхан өнгөрсөн баасан гаригийн орой “Шар” Энхээ буюу Э.Энхбатыг баривчилсан байна.

Саяхан даа, тэрээр “Танайд хоноё” Г.Алтантүрүүгийн Гоён солиотын эрэлд ч билүү, тиймэрхүү нэртэй нэвтрүүлэгт орж илэн далангүй ярьж суусан юм.

Мөн үүнээс өмнөхөн “Шар” Энхээгийн жолооч Жошва гэгч “Люмино” хамтлагийн дуучин Б.Батхишигийг дарамталсан тухай мэдээлэл цацагдсан.

Э.Энхбат нь Дэд бүтцийн сайд асан Б.Жигжидийн хүргэн бөгөөд хадам аавынхаа байгуулсан СӨХ-ны Дээд зөвлөлийн нэрээр СӨХ-доос 11 жилийн турш татвар авч байсан гэх асуудал жил гаруйн өмнө гарч байв.

Гэхдээ түүнийг баривчилсан шалтгаан дээрх асуудлуудтай холбоогүй гэнэ. Эх сурвалжийн мэдээлснээр “Шар” Энхээг хар тамхины хэргээр баривчилсан байна.