09:00 цагт “Эрчүүдийн эрүүл мэндийг дэмжих” өдөрт зориулсан хэвлэлийн бага хурал ЭМЯ-ны Сургалт мэдээллийн “Б” танхимд болно. Утас: 328773

09:00 цагт Үйлдвэр хөдөө аж ахуйн яаманд “Органик газар тариалан” зөвлөгөөн болно. Тус зөвлөгөөнд сайд, дэд сайд, эрдэмтэн, судлаач, газар тариалан эрхлэгч нараас гадна Дэлхийн органик хөдөлгөөний тэргүүн оролцоно.

09:30 цагт 21 аймгаас ирсэн 230 хүүхэд залуус “Хөгжлийн Төлөө Залуус” хэлэлцүүлэгт оролцон дуу хоолойгоо өргөнө. Эдгээр залуус Эрүүл мэнд, Боловсрол, Залуусын оролцоо сэдвээр хэлэлцэн, тунхаг бичиг боловсруулан Ерөнхий сайдад гардуулах юм. Хэлэлцүүлэг Чингис зочид буудлын Хурлын танхимд болно.  Утас: 88025675

10:00 цагт Монгол цэргийн музей дээр Урлагийн гавьяат зүтгэлтэн, БХЯ болон МУЭ-ийн нэрэмжит шагналт зураач Ч.Батмөнхийн “Ялалтын мөрөөр” үзэсгэлэнгийн нээлт, БХХСАХН Эмнэлэг-Монгол цэргийн музейн хамтарсан Монголын цэргийн эмнэлгийн түүхийн шинэ танхимын нээлт тус тус болно.

11:00 цагт УИХ-ын гишүүн Л.Эрдэнэчимэг Архидан согтуурахтай тэмцэх тухай хуулийн шинэчилсэн найруулгаар 8 нэрийн дэлгүүрийн эзэдтэй уулзаж, тэдний санал бодлыг сонсох гэж байна. Уулзалт  СХД-ийн Иргэний танхимд болно.

11:00 цагт ”Оюутан цэрэг” хөтөлбөр хэрэгжүүлэх Монгол Улсын Ерөнхийлөгчийн зарлиг гардуулах ёслолын ажиллагаа МУИС-ийн дугуй зааланд болно. Тус арга хэмжээнд БШУ-ны сайд Л.Гантөмөр оролцоно.

12:00 цагт нийтийн дууны урлагийн энэ цаг үеийн шилдгүүдийг тодруулж алдаршуулан шагнах “Алтан хуур-2014” наадам ирэх 04-р сарын 22-нд зохион байгуулагдахаар албан ёсны товоо зарласантай холбогдуулан хэвлэлийн хурал зарлав. Хэвлэлийн хуралд урлаг судлаач МУСГЗ Ч.Буянхишиг, Монголын ХөгжмийнЗохиолчдын холбооны тэргүүн МУУГЗ Б.Бямбабаяр, нэвтрүүлэгч МУСГЗ Ж.Батбаяр, ЦДБЭЧ-ын ерөнхий найруулагч МУУГЗ Ч.Ганхуяг, МУГЖ Ц.Төвшинтөгс, МУГЖ У.Далантай, “Анир” студийн захирал МУСТА Б.Алтанхуяг, Асс найруулагч Д.Нямдаваа нар оролцож наадмын зохион байгуулалтын талаархи дэлгэрэнгүй мэдээллийг хүргэнэ.

14:00 цагт сэтгүүлч Г.Жамъянгын нэрэмжит “Бөөдий” хүүхдийн дууны уралдаан Хүүхдийн ордонд эхлэнэ. Утас: 91166369 99197837

14:00 цагт ”Монгол цэргийн өдөр” Зэвсэгт хүчний 93 жилийн ойд зориулсан баярын хурал, хүндэтгэлийн тоглолт Дуурь Бүжгийн эрдмийн театрт болно. Баярын хуралд Монгол Улсын Ерөнхий сайд Н.Алтанхуяг, Засгийн газрын гишүүд болон Батлан хамгаалахын сайд Д.Бат-Эрдэнэ, ЗХЖШ-ын дарга, дэслэгч генерал Ц.Бямбажав ЗХ-ний цэргийн алба хаагчид, ахмад дайчид, энхийг сахиулагчдын төлөөлөл оролцоно.