Түүхэндээ хамгийн их тахиа, шувууг устгалд орууллаа
Сүүлийн 2 сарын турш Солонгос улсад дэгдээд байгаа тахиа,шувууны AI вируст өвчнөөс болж 41 аж ахуйд тэжээж байсан 10 сая 850 мянган толгой тахиа,шувууг албадан устгалд оруулсан тооцоо гарлаа. Энэ нь Солонгос улсын түүхэнд хамгийн их тоо толгойтой тахиа,шувууг устгасан явдал болж байгаа юм. Одоогоор энэхүү өвчин тархсан аж ахуй, орон нутгуудад хөл хорин ариутгал хийж өвчинг намдаагаад байгаа ч Чонан хотын ойролцоох нэгэн нохойн аж ахуйд тэжээж байсан 3 нохойнд H5 төрлийн нохойн халдварт өвчний шинж тэмдэг илрээд байна.
AI вирусээр халдварласан тахиа, шувуугаар хооллосноос болж дээрх өвчин нохойнд шууд халдварлан дамждаг ба улмаар нохойноос хүний биед ч дамжин тархаж байсан тохиолдол 2004 онд Тайланд улсад бүртгэгдэж байсан удаатай ажээ.Тиймээс нохойн халдварт өвчин гарсантай холбогдуулан Солонгос улсын холбогдох байгууллагууд уг өвчнийг цааш тараахгүй байх талаар ажиллаж эхэлсэн байна.
WWW.MGLRADIO.COM
URL:
