Хэн юу хэлэв

С.Одонтуяа: Цалинг гэнэт нэмэгдүүлэх нь эдийн засагт аюултай

-Ахмадуудын тэтгэврийг нэмэх ёстой гэх улс төрийн шоу дуусч ах­мадууд багахан ч гэсэн тэтгэврээ нэмүүлсэн. Харин улс төрийн нам эвсэл, улстөрчдийн шоу нь багш, ажилчдын цалин тэтгэврийг нэмэх тухай бөгөөд энэ асуудлаар МҮЭХ, МАН-ынхан удаа дараа мэдээлэл хийж, цалинг даруй 30 хувиар нэмэх ёстой гэх шаардлага тавьж байгаа бөгөөд энэ асуудалд өн­гөрөгч долоо хоногт олны ан­хааралд байсан юм.

Хувийн хэвшлийнхний хувьд энэ яагаад том дарамт болох вэ гэхээр төрийн албан хаагчдын цалинг 30 хувь нэмэгдүүлэхээр ху­вийн секторт ажиллаж бай­гаа хү­мүүс цалингаа 30 хувь нэ­мэг­дүү­лэх шаардлага тавина

Энэ асуудалд хамгийн бодит дүгнэлтийг УИХ-ын гишүүн, эдийн засагч С.Одонтуяа хийсэн байна. Тэрбээр, ца­лин тэтгэврийг нэмэгдүүлэх нь зөв гэсэн байр суурийг барим­тал­даг ч маргааш гэнэтхэн нэ­мэг­дүүлнэ гэдэг бол эдийн зас­гаа татаж унагаах аюултай гэж тодорхойлжээ. С.Одонтуяа ги­шүүн “Энэ бол арай цаг нь бо­лоо­гүй асуудал. Энд хэд хэдэн ноц­­той хүчин зүйлүүд байдгийг са­нах ёстой. Нэгдүгээрт бид ху­вийн хэвшлийн үйл ажиллагааг до­гол­дуулах аюултай байгаа.

Төс­вийн алдагдал хуульд заасан хоёр хувиас хэтрэх бас нэг аюул бий. Мөн зах зээл дээр мөнгөний ний­лүүлэлт эрс нэмэгдэж, юмны үнэ нэмэгдэх, инфляци өсөх сөрөг үр дагавар мөн гарна. Хувийн хэвшлийнхний хувьд энэ яагаад том дарамт болох вэ гэхээр төрийн албан хаагчдын цалинг 30 хувь нэмэгдүүлэхээр ху­вийн секторт ажиллаж бай­гаа хү­мүүс цалингаа 30 хувь нэ­мэг­дүү­лэх шаардлага тавина. Тэ­гэ­хээр хувийн хэвшлийнхэн ма­невр хийх шаардлагатай болно оо доо.

Нэг бол компаниа хаана, эс­вэл зарж байгаа бүтээгдэхүүн, ба­раа үйлчилгээн дээрээ дахиад л нэ­мэгд­лээ тооцож эхлэхээр бүх ба­рааны үнэ нэмэгдээд ирнэ. Төрийн ал­бан хаагчдын цалинг нэмээд л байх юм бол хувийн хэвшилд ажил­лах хүн олдохоо болино нийг­мийн сэтгэхүйн хувьд их буруу зүйл юм” хэмээжээ.

Эмч багш, төрийн албан хаагчдын цалин бага байна. Тэдний цалинг нэмээд өг хэмээн жагсаал цуглаан хийдгээс биш хувийн хэвшилд энэ нь дарамт болох уу, сардаа 300, 400 мянган төг­рөгийн цалинтай хувийн хэвш­лийн ажилчид амьдралаа яаж бол­гоод явдаг талаар хэн ч анхаа­рал хандуулж байгаагүй. Тиймээс энэ асууд­лыг арай өөр өнцгөөс ч гэсэн олж харсанд нь талархах нь зүйтэй болов уу.

С.Дэмбэрэл: Валютын өсөлтийг ээлжит бус чуулганаар хэлэлцэх ёстой байх

-Валютын ханшийн хэлбэлзэл мөн л улстөрчдийн шоу хийдэг ар­га хэрэгсэл болж хувираад бай­гаа. 2014 оны төсвийг хэлэлцэж бат­луулахдаа 1384 төгрөг байхаар оруулчихаад дараа нь 1750 төгрөг бол­­чихоод байхад ам.долларын ханш хэвийн байгаа гээд сууж бай­гаа Засгийн газар, Монголбанк сө­рөг хүчнээс болон эдийн засагчдаас багагүй шүүмжлэл хүлээж байгаа нь нууц биш.

Өнөө­дөр валютын өсөлтөөс болж ир­гэ­дийн амьжиргаанд нөлөөлж бай­на. ААН-үүд тендерээс зугтаж эхэл­лээ. Үүнд төр оролцохоос ар­гагүй биз дээ

МАН-ынхан энэ асууд­лаар мэдэгдэл гаргаж, бүр уриал­га хүртэл дэвшүүлсэн бөгөөд “Най­ман шарга” валютын захаар орж, үнэ ханшийг судалсан байгаа юм. Харин Монголбанкны зүгээс болон Эдийн засгийн байнгын хо­рооноос зургадугаар сар гэхэд эр­гээд хэвийн байдалд орчихно, түр зуурын өсөлт гэх тайлбар өгч байгаа. Харин энэ асуудлаар нэ­лээд хатуухан шүүмжлэлийг УИХ-ын гишүүн С.Дэмбэрэл илэр­хийл­жээ. Тэрбээр “Өнгөрсөн жи­лийн валютын ханшийн шокон дээр, биднийг наадамлаж байхад буюу долоон сарын сүүлчээс өсч эхэлсэн.

Наймдугаар сарын сүүл хүртэл, бүр есөн сарын дунд хүр­тэл дээш явсаар байсан. Гэтэл энэ хугацааны үеийн протолыг нь харах гэхээр Санхүүгийн тогт­вор­той байдлын зөвлөл нь амар­чихсан байгаа юм.

Зөвхөн Төв­банк ажиллаж, бусад нь ам­раад алга болчихсон байсан. Тэд­нийг хуралдсан эсэхийг, ху­ралд­сан юм бол валютын асууд­лыг хэлэлцсэн үү гэдгийг нь про­токолоос нь хармаар байна.  Өнөө­дөр валютын өсөлтөөс болж ир­гэ­дийн амьжиргаанд нөлөөлж бай­на. ААН-үүд тендерээс зугтаж эхэл­лээ. Үүнд төр оролцохоос ар­гагүй биз дээ.

Иргэд, ААН-үүдээс ха­маарал­гүй­гээр валют өслөө, га­даадын хөрөн­гө оруулалтыг төр өөрөө үргээлээ, хан­шийн өөрч­лөл­тийг урьдчилж харж чадаагүй нь хэний буруу юм бэ. Бодлогын төв­шинд авч үзэх­гүйгээр за гайгүй болно доо, мөн­гө орж ирнэ дээ гээд хүлээгээд бол бүтэхгүй л дээ. Магадгүй энэ асууд­лыг ээл­жит бус чуулганаар хэ­лэлцэх ёстой л байх” хэмээжээ.

Н.Батцэрэг: Бид үнэ цэнээ мэдэж байна

Тэдний хувьд на­мын дарга Н.Энхбаярт суудал ава­хын тулд Засгийн газрыг шантаажилж байна хэмээн яригдаж эхэл­сэн бөгөөд энэ нь бараг ор үндэсгүй мэдээлэл биш бололтой юм

Шинэчлэлийн Засгийн газарт багт­сан “МАХН-МҮАН”-ын ги­шүүд сүүлийн үед зан аашаа эрс өөр­­­чилсөн бөгөөд бид байхгүй бол Засгийн газар юу ч биш гэ­сэн сэтгэлгээгээр хандаж, тэд­нийг шантаалжилдаг болоод бай­­­гаа. Бидний өргөн мэдүүлсэн хуу­­­лийн төслийг хэлэлцэхгүй бай­­­на. Хийсэн ажлаа зөвхөн АН-ын ажил мэтээр сурталчилдаг.

“МАХН-МҮАН”-ын гишүүдийг үл тоо­дог. Бидний мөрийн хөтөлбөр Зас­гийн газарт биелэлээ олохгүй бай­на гэх үгсийг чулуудах болсон тэд­ний цаана ямар зорилго нуугдаж байгаа талаар олон таамаг яриг­даж байгаа.

Тэдний хувьд на­мын дарга Н.Энхбаярт суудал ава­хын тулд Засгийн газрыг шантаажилж байна хэмээн яригдаж эхэл­сэн бөгөөд энэ нь бараг ор үндэсгүй мэдээлэл биш бололтой юм. Ямартай ч хамгийн сүүлийн сүр­дүүлгийг УИХ дахь “МАХН-МҮАН”-ын “Шударга ёс” эвслийн бүл­гийн дарга Н.Батцэрэг хий­сэн юм.

Н.Батцэрэг гишүүн “Бидэн­гүй­гээр ямар ч асуудал урагшаа явах­­гүй. Бид өөрсдийнхөө жин, үнэ цэнийг мэдэж байна. Энэ үүд­­нээсээ харилцан ойлголцоод бие биенийхээ асуудлыг дэмжээд явах ёстой” хэмээсэн юм. Энэ мэ­тээр маргаан мэтгэлцээн цаашдаа даам­­жирвал энэ хавар Засгийн га­зар ганхаж ч мэдэх нөхцөл бай­дал үүсч магадгүй нь ээ.

/Монголын мэдээ/