МАН-ын дэргэдэх “Нийгмийн ардчилал академи”, Германы “Фридрих Эбертийн сан”-гийн хамтарч ажиллах гэрээ байгууллаа

МАН-ын дэргэдэх “Нийгмийн ардчилал академи”, Германы “Фридрих Эбертийн сан”-гийн хамтарсан ажиллагааны гэрээнд гарын үсэг зурах ёслол өнөөдөр “Тусгаар тогтнолын ордон”-д боллоо. Уг арга хэмжээнд МАН-ын нарийн бичгийн дарга Ж.Мөнхбат болон албаныхан байсан бол Германы “Фридрих Эбертийн сан”-гийн тэргүүн хадагтай Ч.Оюунгэрэл нар байлцлаа.

МАН-ын генесек Ж.Мөнхбат энэ үйл ажиллагаанд хэлсэн үгэндээ Германы “Фридрих Эбертийн сан” нь анх 1925 онд байгуулагдсан бөгөөд манай улстай ардчилалын 1993 оноос хойш хамтран ажиллах болсон бөгөөд нийгмийн ардчилалын хүрээнд нийгэм, эдийн засагт үйлчилдэг төрийн бус байгууллага, “Нийгмийн ардчилал академи” залуусын оролцоог дэмжиж нийгмийн амьдралд өөрийн дуу хоолойг хүргэх МАН-ын дэргэдэх байгууллага юм.

Манай МАН нь нийгмийн жендерийн асуудалд нилээдгүй уян хатан ханддаг бөгөөд улс төрийн харилцаанд эмэгтэйчүүд 25 хувь байх ёстой хэмээн үзсэн анхны нам хэмээн онцолсон юм.

Харин Германы “Фридрих Эбертийн сан”-гийн тэргүүн хадагтай Ч.Оюунгэрэл энэхүү хамтарсан ажиллагааны талаар хэлэхдээ Германы “Фридрих Эбертийн сан” нь дэлхийн ная гаруй улсад үйл ажилллагаагаа явуулдаг бөгөөд Зүүнийг баримталсан ардчилалыг түлхүү авч үздэг. Монгол улстай хамтарч ажиллаад хорь гаруй жилийн нүүр үзэж байгаа ингэхдээ анх удаагнаа “Фридрих Эбертийн сан”-г тус улсын хүн удирдан явуулж байгаа нь Монгол хүн удирдах болсон явдал хэмээгээд Герман Монголын ард түмний түншлийг сайжруулах тэдний нийгмийн оролцоо болон нийгэм, эдийн засгийн хүрээнд хамтран ажиллалх болно хэмээн цохон тэмдэглэлээ.

Ч.Мөнхбат