Дөрвөн хүн байшинтайгаа шатаж нас баржээ
Өнгөрөгч амралтын өдөр буюу бямба гарагт Чингэлтэй дүүргийн 17-р хороонд өвлийн сууц шатаж, дөрвөн хүн амиа алдсан харамсалтай хэрэг гарчээ.
Хэргийг тодруулбал, тус хорооны иргэн 47 настай эмэгтэй А-ын байшин шатаж, дотор нь байсан 19 настай эмэгтэй А, 13 настай эмэгтэй А, 6 настай эрэгтэй Т, 19 настай эрэгтэй А нар нас барсан байна.
Одоогоор хэргийг Чингэлтэй дүүргийн цагдаагийн хоёрдугаар хэлтэст шалгаж байгаа аж. Галын шалтгаан нөхцлийг тодруулахаар холбогдох байгууллага нь мөн ажиллаж эхэлжээ. Энэ мэт иргэдийн анхаарал болгоомжгүй байдлаас үүдэлтэй гал түймэр ихсэх хандлагатай байгаа учраас холбогдох албаныхан анхааруулж байна.
URL:
