Дахиад нэг Дэнзэн “төржээ”

 Ерөнхий сайд Н.Алтанхуягийн рейтинг дагалдан хүрээлэгчдээс нь болж  байнга шахам унасаар иржээ. Өөрөө бол мачийтлаа ажилладаг хэмээн долоо хоногт 2-3 удаа тайлангаа тавих. Гэтэл хүргэн Г.Дэнзэн мэт нь хадам ахыгаа Монгол гэдэг компанийн захирал болчихлоо гэж ойлгосон уу, ёстой л нэг дураараа дургисан. Өдгөө хүргэн Дэнзэн төрийн өмчит компанид хүчийг үзүүлэн ажиллаж буй ажээ.

Тэгвэл Н.Алтанхуяг дахин нэг Г.Дэнзэнтэй болсон тухай чих дэлсэв. Тэрээр намын даргын ажлыг дангаар хийж байх үед нь өмнө нарийн бичиг, туслахын ажлыг нь хийж байсан эмэгтэйгийн нөхөр болох Р.Отгонтулгыг Ерөнхий сайд болсныхоо дараа Орон тооны бус зөвлөхөөрөө ажилд авчээ.Мэдээллийн технологийн асуудал хариуцсан зөвлөх гэж байгаа.

Зөвлөх Р.Отгонтулга мөн л хүргэн Г.Дэнзэн шиг аашлах болсон гэнэ. Бондын хөрөнгөөр хэрэгжиж төслүүдэд хуруу болон хошуу нэмж, бондын зарцуулалтад өөрийн сонирхлоор нөлөөлсөөр ирснийг Төрийн ордон хавийнхан хийгээд улс төрийн хүрээнийхэн ам дамжин ярьж байна. Ялангуяа цахим төслүүд зөвлөх Р.Отгонтулгын ил далд зааварчилгаа, зөвлөгөөгүйгээр хэрэгжихээ больсон гэнэ. Олны ярих нь, Ерөнхий сайд Н.Алтанхуягийг хүргэн Г.Дэнзэнгээс илүүтэйгээр “сүүдэртүүлэх” хүн бол энэ Р.Отгонтулга зөвлөх шүү дээ гэлцэж байна.

С.Балжир

polit.mn