Сүхбаатар аймагт 286 малыг устгажээ

Сүхбаатар аймгийн Онгон, Наран, Дарьганга, Түвшинширээ, Баяндэлгэр суманд малын гоц халдварт шүлхий өвчин гарсан. Тус аймагт өчигдрийн байдлаар 216814 малыг вакцинжуулалтад хамруулж 160670 малд эрүүл мэндийн үзлэг хийсэн байна. Мөн таван сумын 290 мал шүлхий өвчин туссанаас гурван сумын зургаан устгалын цэгт 286 малыг устгалд оруулжээ. Одоогоор шүлхий өвчний голомт болсон таван сум болон Баруун-Уртын Менххаан сумын хяналтын постод 712 хүн, 137 техник хэрэгсэлтэйгээр ажиллаж байгаа юм байна.

Зууны мэдээ сонин